شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

خدعوك فقالوا

الاضافة بواسطة Hala
تاريخ الاضافة 02/10/2009

سرقة سيارة واهمال الأمن

نزل زوجى قبل صلاه الجمعة مباشرة ليصلى ولم يجد السيارة ..... أختفت

لفينا ودورنا على أى فرد أمن ..... مافيش حد فى المنطقه خالص.

اتصلنا بالجهاز فأخبرونا ان كل افراد الأمن المسئولين عن المجموعة أجازة وان افراد من مجموعة ثانيه مايعرفوش السكان هما اللى كانوا فى وردية الليل.

ممكن أعرف مين المسئول - منين ساكنين فى مدينه مقفوله ولها بوابات وأمن وعربية تتسرق بالبساطه دى. الغريب ان العقيد المسئول عن المجموعة بتاعتنا ما فكرش يتصل او يتابع عملنا ايه او حتى يقول ايه الخطة اللى حيعملها. طبعا جوزى عمل محضر فى قسم ثان القاهرة الجديدة وخلاص

ياجماعة ارجوكم لو حد شاف عربيه هيونداى النترا كحلى رقم 349638 ملاكى الأسكندرية يتصل بالمهندس محمد فؤاد 0101100116

مش عارفه اقول ايه - بس الواحد مش مصدق اد كده المدينه اصبحت مهمله

التعليقات

magedramadan 03/10/2009	ربنا يعوض علينا -أرجو الوقوف في الصف
magedramadan 03/10/2009
الإبلاغ عن إساءة

magedramadan 03/10/2009	أمن الرحاب في خطر الاضافة بواسطة magedramadan تاريخ الاضافة 02/01/2009 أرجو مشاركة كل من حدث له مشكله أو حادث أو سرقه بالرحاب لأان الموضوع ماعاد ينسكت عليه ويمكن تجميع كل الحالات وضمها إلى قضية واحدة ترفع ضد المسؤلين عن أمن الرحاب وشركة طلعت مصطفى
magedramadan 03/10/2009
الإبلاغ عن إساءة

mnyassin 04/10/2009	ربنا يكون فى عونكم
mnyassin 04/10/2009	يا جماعة بلغوا القسم و سيبكم من امن الرحاب دول ناس فى ملكوت تانى ، دول اخرهم يزعقو للعيال علشان العجل خلى الامن يشوف شغله و لو مركبين الستيكر الجديد خليهم يورونا فوايده لانه المفروض يقول العربيه خرجت من الرحاب ولا لسه و خرجت امتى\ ربنا يكون فى عونكم
الإبلاغ عن إساءة

magedramadan 04/10/2009	ما أسخم من ستي إلا سيدي
magedramadan 04/10/2009	ده أنا بلغت البوليس والمديريه والدنيا كلها ومافيش فايده !!!! عوضنا على الله ولكن أعتقد إن السيارات أسهل من الفلوس في تعقبها ان شاء الله --- المهم سرعة الحركه وشوفوا واسطه تحرك الامور بسرعه
الإبلاغ عن إساءة

robinhood 04/10/2009	الكل يتعاون
robinhood 04/10/2009	يجب نقل سلبيات الرحاب للاعلام عن طريق الجرائد او البرامج الحوراية ,عندها سيصيبهم الرعب على مبيعات مدينتى ,انهم يستغلون سمعة الرحاب الجيدة فى التسويق و لا يهمهم الالتفات للسلبيات و لا مطالبنا
الإبلاغ عن إساءة

Hala 04/10/2009	سرقة سيارة واهمال الأمن
Hala 04/10/2009	طبعا عملنا محضر قبل ما نلجأ لأمن المدينه - لما الأمن ما اتصلش بينا بعد مابلغناهم الساعه 12 ظهرا - محمد راح لهم الساعه 11 وسألهم اذا كانوا فرغوا الكاميرات، رد عليه العقيد اللى كان موجود وقالوا الموظف المسئول عن الكاميرات اجازة، اناهرده الجمعة، المهم بالوسايط راجعوا الكاميرات ومالائوش العربيه خرجت، وعلشان يسبتوا ان الكاميرات فعلا شغاله، قالوا لمحمد هو دخل المدينة الساعة كام ورقم البوابة، بس فى بوابه 18 و12 مافيهمش كاميرات - رغم اننا عرفنا انها اتسرقت مابين الساعة 8 والساعة 11 مساء لأننا سألنا الراجل اللى ركن عربيته مكان محمد هو ركن مكان محمد
الإبلاغ عن إساءة

احمد رشاد 05/10/2009	المال الحلال باذن الله هيرجع
احمد رشاد 05/10/2009	ان شاء الله هترجع العربيه
الإبلاغ عن إساءة

magedramadan 05/10/2009	والله حلال
magedramadan 05/10/2009	والله والله والله المال حلال بس ممكن مايرجعش نفسه ولكن ممكن ربنا يكون فادى الانسان من شيئ اكبر او هيعوضه في شيئ افضل او يكون إبتلاء لرفع درجات او تكفير ذنوب (اذا صبرنا عليه) وإبتلائات المال هي أهون الابتلائات - لإن هناك إبتلائات أخرى ربنا يكفينا وإياكم تكون أصعب مثل إبتلائات الصحه والولد والدين والصبر والحمد والإسترجاع لله لازم في أي إبتلاء ولكن لابد من أخذ الاسباب بشتى الطرق مع هذا كله
الإبلاغ عن إساءة

mnyassin 05/10/2009	ربنا يعوض عليكم
mnyassin 05/10/2009	ربنا يعوض عليكم طيب كان فيها جهاز انزار ولا لا لان ده ممكن يكون انذار للناس علشان يبدائو ياخدو بالهم من حاجتهم و يركبو مثل هذه الاجهزه انا اعرف ان الانترا بتنزل بيه
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا