الاضافة بواسطةالنجم الثاقب تاريخ الاضافة
11/07/2010
شيشة- قمامة -زحمة-عربيات- الرصيف مليان كراسى وخضار وفاكهة على الارض ومفيش مكان تركن وحاجة بيئة بيئة
بصراحة الصورة اللى حاططها الموقع على الصفحة الرئيسية بتاعت الشمسية اللى على الرصيف فى السوق هذا اقل ما يوصف لسوق الرحاب فعلا بقى شكله غريب وعجيب ومريب وعملوا بس فيها ابطال وشالوا الكراسى وقفلوا كل الكافيهات والسوق بقى شكله جميل بس طبعا هى دى مصر هى نص ساعة وكل شىء رجع ذى ما كان
دى ثقافة شعب و لسة بدرى او على التغيير, لما نفكر نعلم الجيل القادم و بعدين نبدا نعلم و نستمر فى التعليم باصرار و بعد كدة الجيل دة يكبر ممكن ساعتها نشوف مصر حاجة تانية, غير كدة ببنفخ فى قربة مخرومة.
بس لازم تبقى تحت مظلة جمعية زي تطوير مثلا، نعمل ستيكرز كبيرة واضحة قاطعوا هذا المحل لتعديه على الاملاك العامة أو أو من أجل جمال الرحاب مثلا يعني ونلزقها على المحل ، بس هتبقى مدبحة الصعايدة بتوع السوق مش هيسبونا وهيقطعوها واحنا نلزقها تاني وكدة .
بس طلع اننا هنعرض مشاكلنا وداه برده مش وحش الحمد لله ايه رايكم يا جماعة والله احنا لاينقصنا غير الاتحاد لان كل الظروف معانا مش ضدنا يعنى كلنا فى مدينة واحدة وكلنا ساعات بنتفق على حاجة واحدة سواء ايجابية او سلبية فيا ريت رحابى تقترحى علينا احنا المفروض نعمل ايه مثلا فى حاجة ذى موضوع السوق اللى شكله بقى مفزع داه يا ريت يا رحابى قولى وكلنا اذان صاغية اى نعم مفيش حد بيعمل حاجة بس برده قولى
