|
كلامك مظبوط اخى فعلا الشعب المصرى متميز
بانه يقدر يعيش فى كل الظروف
وكتير اوى ناس صابره وساكته ومستحمله
كل دا فى عزه نفس وراحه بال
ودول الناس الى اتقال عليهم >>..>> وتحسبهم اغنياء من التعفف
مش بيشتكو وصابرين وساكتين حامدين ربنا ومستحملين
زى الصوره دى مثلا تأملها كده كويس بكل حاجه فيها
دا حال ناس كتير هنا فى مصر وفمناطق شعبيه وفقيره كتييير
يمكن احنا مش حاسين بيهم او واخدين بالنا منهم
لاحظ معايا فالصوره الاّتى
مكان النوم مش كافى لكل الاسره ومع ذلك لقوا مكان ليهم كلهم + القطه والكلب
ليس السعيد في هذا العالم من ليس لديه مشاكل
ولكن السعداء حقيقة هم أولئك الذين تعلّموا كيف يحلون مشاكلهم ويقتنعون بتلك الأشياء البسيطة التي لديهم.
انا من رأيى ان فعلا الشعب المصرى مش فيه زيه
فى تفكيره وروح الدعابه حتى وتواضعه وجدعنته
طبعا لكل قاعده شواذ وفيه كده وفيه كداا
والى بنواكبه الفتره دى والى انتشر بطريقه غريبه
ان اغلب شباب مصر ربنا يهديهم بجد حالهم وتفكيرهم بجد يكسف
احنا افضل من الاجانب كتير فكل حاجه الا حاجه واحده اننا مش بننفذ
يعنى بننوى على الحاجه ونفكر صح ونخطط صح لكن عند النقطه دجى ونقف
الاجانب عندهم اصرار ومش بيقولو مش عندهم وقت لكداا كلو بيعمل كلو بيشتغل
دلوقتى اغلب الشباب مش وراه غير اللعب والهزار والضحك والخروجات وطبعا باين فى الاحصائيه الى فرحاابى عن شباب الرحاب بجد حاجه تكسف اوى
هوه دا شباب مصر ممكن يكون العيب من الاهل بردوا فى التربيه
بس العيب الاكبر ان واحد يبقا طول بعرض وعارف الصح من الغلط وبيتعمد يعمل الغلط
بصراحه انا بقول لكل واحد كده ..
ان لم تستحى فأفعل ما شئت فكما تدين تداان
ربنا يهديهم بجد اكيد لو فكروا صح وكان عندهم دافع يصلح من نفسهم هيعملو كده بأذن الله
واكيد هيفرقو كتير فى تقدمنا ورفع مستوى معيشه الناس الغلبانه دى ورفع مستوى البلد كلهاا
اسفه عالاطاله
ولكن فعلا موضوع يستحق المناقشه
|
