| عزيزي المصريه عزيزتي المصريه
اضحك شويه فما يضحك هو شر البليه
اضحك معايا علي بلد الأمن والأمان
البلد اللي ذكرها ربي في القرآن
وقال تعالي فلندخلها بامان
للأسف الأمان ده كان زمان
ايام ما كان لسه المصري انسان
وكان بيعطف علي الفقير والغلبان
ويراعي حق الساكن والضيف والجيران
وكنا بنفرق بين الانسان والحيوان
وكان لسه فيه حياء عند النسوان
والفاجر كان بيستحي من الخزيان
وماكانش الحلال والحرام عنده سيان
ولا كان القوي بيستقوي ع الضعفان
دلوقتي الشريف في بلدي بيتهان
والعدل اصبح في خبر كان
والظلم ياسيدي اشكال والوان
مابيفرق مابين مسيحي واخوان
واللي تقلع وتتعري هي الفنانه بنت الفنان
واللي تخجل وتستحي قديمه من زمن الطوفان
لو لم اكن مصريا لوددت ان اكون مصريا
حاسألك سؤال وجاوبني بضمير
النهارده الجمله ده صح ولا محتاجه تغيير
وعجبي |
