Rehaby Logo
الاثنين 15 رمضان، 1440 - 20 مايو، 2019

أحدث الأخبار:

عناوين الأخبار

الرحاب على الفيس بوك ..حصاد الأسبوع 26 مارس

الصيانة مجددًا

على صفحة ائتلاف سكان الرحاب، كتب العضو عمرو عبد القادر رأية في جهاز المدينة ومصارف الصيانة حيث قال:

بما أن جهاز المدينة بيقول أنه حاول مع الحي علشان يقفل المدينة وفشل لأنها أصلا مدينة مفتوحة يبقي ياريت ماحدش من السكان يدفع صيانة لأنها تشمل كهرباء الشوارع العامة ومياه الحدائق والخدمات العامة. دعوة لعدم سداد مصروفات الصيانة حتي اغلاق المدينة أمام الغرباء. في حد ساكن في التجمع أو مصر الجديدة بيدفع استهلاك نور الشارع؟.
الصيانة كمان وكمان
وكتب ايضاً في نفس الموضوع:
تعالي وعيش الرحاب ..... وتتميز عن الجميع:
١-  سور عظيم كلة فتحات حول المدينة مما يسهل دخول أي شئ
٢ - بوابات ألكترونية تفتح بكلمة واحدة ... السلام عليكم
٣-  كلاب ضالة رائعة تجوب الشوارع للحفاظ على الأمن
٤- عصابات مميزة تخطف الأطفال والكبار
٥-  حدائق جميلة علشان الغرباء يفسحوا كلابهم فيها
٦-  شوارع أسفلت رائعة بمواصفات عالمية ٢٢ حفرة / المتر و٢ بلاعة مرتفعة / الخمسة متر

والمفاجأة الكبرى كل هذه المميزات تحت رعاية جهاز مدينة الرحاب بتكلفة شهرية بسيطة فقط خمسمائة جنيه للشقة / الشهر وألف جنيه للفيلا / الشهر  ولو ما دفعتش هانقطع عنك المياه..  تعال وعيش الرحاب!
وأضاف: الحل الأساسي هو إغلاق المدينة بحيث تكون مغلقة على قاطنيها ويسمح بدخول أصدقائهم وزائريهم فقط ويمكن السماح بدخول الغرباء فقط أيام الأجازات برسم دخول للسيارات لا يقل عن عشرة جنيهات، وللفرد عشرة جنيهات. وتأكد أن نصف مشاكل المدينة سوف يتم حلها.

حملة ضد شركة طلعت مصطفى

واستكمالاً لموضوع أموال الصيانة، نشر العضو أيمن مقلد فيديو قديم للقضية التي قام سكان الرحاب برفعها هشام وطارق طلعت مصطفى بتهمة الاستيلاء على أموال الصيانة، وعلق على الفيديو قائلاً:
يا جماعة موضوع اننا ندعو لعدم دفع مصاريف صيانة وبس دا مش كفاية، احنا لازم نحذر أي حد بيفكر يشتري من الشركة شقة أو فيلا في الرحاب أو "مدينتي" أو حتي يقول لهم صباح الخير بالأسعار الخيالية دي علشان ما يشوفشي الإهمال اللي احنا شايفينه، والسبهللة اللي احنا عايشين فيها، والمدينة الجميلة اللي زوقوها علشان ليلة الدخلة، وفضلت حلوة سنة ولا اتنين، وبعدين اكتشف الباشا العريس عيوب الدنيا فيها.. لازم نعمل صفحة ع الفيس" ما تتعاملشي مع مجموعة طلعت مصطفى": وقد أعذر من أنذر - مجموعة طلعت مصطفي مش حتقدر تغمض عينيك حتطير النوم من عينك من القلق والقرف - مجموعة طلعت مصطفي مجموعة عقارية علي أرض مصرية تجعلك تكره عيشتك وأيامك اللي جايه - المجموعة العقارية الأولى في مصر، رائدة كل الشركات صاحبة الخبرة العريقة في كيف تستغل عملائها - مجموعة طلعت مصطفي أصبحت سفينة بلا ربان - مجموعة طلعت مصطفي كانت حلمًا وصارت وهمًا وأصبحت كابوسا وباتت ذكرى - عموما دا نتيجة تمسك المجموعة بهذا الجهاز الفلتة بفضل تمسكها به اكتسبت عداوة الناس كلها - والله العظيم كنت واحد باحترمهم واقدرهم واتمني اشترى معاهم بس امتىظ أيام الراحل العصامي الجميل طلعت مصطفى، أيام قائد السفينة الربان الماهر الشبل الذي هو من ذاك الأسد، هشام طلعت مصطفى...  دلوقتي الواحد يشتري معاهم ليه علشان يدفع 50 جنيه صيانة علي متر المحل ولا 12.5 جنيه علي متر الشقة، ويامصيبتك السودا لو عندك جنينة أو في عمارتك أسانسير - دمك حيروي نجيلة الجنينة وحتتعلق في بير الأسانسير لغاية ما تطلع كل اللي في جيوبك، وحتشوف العذاب أشكال وألوان بفضل هذا الجهاز فلتة الزمان، والمثل بيقول: اسأل مجرب ولا تسأل طبيب.
ليس فقط الامتناع عن الدفع
وكتب أيضاً مقلد: أختلف تماما مع اللي بيقول ان عدم دفعنا للصيانة حيقلل الموارد وبالتالي حيقلل الخدمات المقدمة لنا - طيب احنا متفقين ان جهاز تخريب الرحاب دة يتكون من مجموعة من المخربين اللي شغلتهم تخريب الرحاب، متفقين؟ - طيب لما الموارد تقل بالتالي حيضطروا يقلصوا عدد العمالة اللي عندهم من الموظفين علشان الحيتان الكبيرة ما تتأثرش، وبالتالي عدد المخربين حيبدأ في التناقص لغاية ما البهوات في مجموعة طلعت مصطفي اللي نايمين في العسل وسايبين المدينة لهؤلاء المخربين يبتدوا يحسوا- رغم شكي في انهم عندهم إحساس – بالمشكلة، وزي ما قلت سابقا لازم مش بس نمتنع عن دفع الصيانة، لا .. بل نحذر كل عميل محتمل أو أي حد عايز يشتري من أنه يلاقي نفس مصيرنا، وبالتالي نقص مواردهم حيكون من كل اتجاه، ساعتها بس ولما يحسوا بالخطر علي أنفسهم ممكن يفكروا يتحركوا - يعني التوقف عن دفع الصيانة مش آخر المشوار، الأهم منه توعية من يريد الشراء من الشركة وتوضيح الصورة القاتمة للرحاب وللأسف السلبيات ابتدت تظهر في "مدينتي" كمان.
توقعوا نقص المياه في الصيف
وعن مشكلة المياه، كتب العضو شريف عاشور هذا النداء:
معلومة ونداء
المعلومة: ستعانى القاهرة الجديدة كلها (مش الرحاب بس) من مشكلة المياه للسنة الثالثة على التوالى خلال الصيف، والسبب أن محطة مياه القاهرة الجديدة التى كان من المفترض انجازها فى يونيو 2011 وتم تاجيلها إلى يونيو 2012 لن يتم انجازها فى هذا الصيف

النداء: أن يقوم الائتلاف بمشاركة الجمعيات الأهلية خارج الرحاب بتصعيد الأمر عند أعضاء مجلس الشعب والميديا وجهاز مدينة القاهرة الجديدة والوزارات المعنية.

نادي الرحاب الاستثماري ومدرسة ليفربول الكروية

أما عن موضوع نادي الرحاب، فكتب العضو محمد عبد الله:
أنا كنت اتكلمت كتير عن النادى واللى بيحصل فيه، وان احنا حاسين إننا ضيوف على النادى مش أصحابه زي ما المفروض يكون، واللي مكتوب في استمارة الاشتراك.. المطاعم والكافيهات اللي بتتاجر في النادي، والأسعار واحدة، ومافيش أي ميزة للأعضاء إلا في حاجات بسيطة جدًا لا تذكر، واللي  زاد وغطى والكارثة أنهم كمان عايزين يؤجروا مدرسة الكرة للخطيب اللي هى ميزة وحيدة بنحس انها ميزة للأعضاء، ودى ميزة من الكابتن المحترم محمود الخطيب وليست من النادي، ولكن يسيبوه يعمل حاجة كويسة؟ لا طبعا .. خلص العقد بتاعه وجابوا ليفربول تستأجر المدرسة بأضعاف المبلغ، وطبعا هتبقى استثمار بحت، يعني هتبقى المدرسة زيها زي المطاعم والكافيهات اللي بتتاجر في النادي، واتوقع بعد فترة هندخل النادي  بذزاكر بس يا ريت يخفضوها لنا شويه..---اللهم بلغت اللهم فاشهد.
إيجابية واحدة .. من فريق الجودو
ونشر العضو مصطفى كامل صورة لفريق الجودو بالنادي معلقاً: أبطال الجودو في نادي الرحاب يحصدون الميداليات في أول اشتراك لهم في بطولة نادي الصيد تحت 13 سنة.

  • شاهد تعليقات موقع رحابي.نت

    تعليقات الفيسبوك



    أخبار وموضوعات ذات صلة

    الرحاب على الفيس بوك.. حصاد الأسبوع  12 يونيو

    نشر العضو نبيل عرفة خبراً عن مشاجرة تمت في أحد مساجد الرحاب عقب صلاة الجمعة، حيث قال: الإخوة والأخوات سكان مدينة الرحاب المحترمين، بعد صلاة الجمعة اليوم 8/6 حدثت خناقة كبيرة وصلت إلى التعدي بالضرب داخل المسجد لأن خطيب المسجد كانت تصب خطبته لصالح مرشح بعينه.. فأرجوا تعليقكم على ذلك، وتعليقي أنا الشخصي هذا لايجوز لأن منبر المسجد انحرف… بقية الخبر ←

    انقلاب سيارة أمام مول 1

    في الساعة السابعة والنصف من صباح اليوم انحرفت سيارة ملاكي يقودها شاب في منطقة الانتظار عند مول (1) بمدينة الرحاب، وانقلبت رأسا على عقب.
    وعلمت شبكة " رحابي . نت" من شهود العيان أن الشاب الذي كان يقود السيارة خرج منها سليمًا، وبعد الحادث مباشرة ترك السيارة وأعطى مفتاح السيارة لرجل الأمن واتصل بوالدته ليخبرها بالحادث وتوجه مسرعا للحاق بالامتحان.

    بقية الخبر ←

    مسيرة بالرحاب .. لا للفلول

    نظم شباب مدينة الرحاب بالتعاون مع إخوان الرحاب وأعضاء الحملات الانتخابية لجميع مرشحي انتخابات الرئاسة عصر أمس الجمعة 8/6/2012 مسيرة تحت عنوان " لا للفلول ". تحركت المسيرة في تمام الساعة الخامسة مساءًا من أمام مسجد طلعت مصطفى بالمرحلة الرابعة، وسارت في شوارع الرحاب مرورًا بالمدرسة الفرنسية ونادي الرحاب وصولا إلى منطقة المطاعم. حمل المشاركون لافتات، ورددوا هتافات تندد بالفلول الممثلين… بقية الخبر ←

    سرقة شقة وسيارة بالمرحلة الرابعة

    بعد منتصف ليل الخميس الماضي 31 مايو، استيقظ سكان شقة بعقار مطل علي الشارع الرئيسي بالمجموعة (73) بمدينة الرحاب ليجدوا شباك المطبخ الذي يطل علي المنور الداخلي مفتوحًا، وقد اختفت جميع الهواتف المحمولة الخاصة بالأسرة، وهي ثلاثة هواتف حديثة، وكذلك مبالغ من النقود ومفاتيح سيارة ورخصة قيادة السيارة، والتي كانت موضوعة علي منضدة بحجرة الاستقبال.
    وقد خرج اللص أو اللصوص… بقية الخبر ←

    الوسوم