منتديات رحابي.نت

 
هل الزواج عن حب أنجح أم الزواج التقليدي

بسم الله الرحمن الرحيم
 
أولاً : أختلف معاك في إسم أو تصنيف الزواج إلى تقليدي و عن حب لأن التقليدي الآن أصبح هو الزواج عن سابق معرفة و استلطاف و حب .
ثانياً .. أحب أضيف رأيي ان الحب الحقيقي يأتي فعلا بعد الزواج من العشرة بالمعروف و المودة و الرحمة التي تسكن قلب الإنسان تجاه شريك حياته .
 
أتعجب من كثرة العلاقات قبل الزواج الآن (ما يمى حب قبل الزواج) و لا أستطيع أن أمنع عيني من ملاحظة زيادة معدلات الطلاق أيضاً لأن ما بدأ بخطأ لا يمكن أن يستمر ..
 
لأن مراية الحب عمياء كما يقولون فلا تتوقع أن شريك/ة حياتك هي هذه الصورة الرائعة التي تظهر في اللقاءات السرية (بعيدا عن رقابة الأهل ماتروحش دماغكم لحاجة تانية) بل كما تتجمل حضرتك بما ليس فيك و لا من طبعك هي أيضا تفعل المثل ,, و في النهاية تكتشف (لو حصل زواج) أن كل هذا خداع × خداع..
 
ضحكنا جميعاً على صورة الحماة (القرشانة) ماري منيب و هي تعطي لبنى عبد العزيز البندق و اللوز و تطلب منها تقشيرهما ( بصنعة لطافة جميلة لا تخلو من ذوق عالي في رأيي) و تشد شعرها و تتحسس أجزاء جسمها لتتأكد من صحتها و مواصفاتها الجسدية السليمة , و بعد كل هذه السنين فهمت متأخرا لماذا كانت الحماة تفعل !!
 
تلك الزيجات كانت نسبة فشلها صغيرة جداً لأسباب كثيرة أعتقد أن أهمها هي رضا الأهل عن العروسة ( و عن العريس) و موافقتهم بمنطق العقل و ليس بمنطق العاطفة و أفكار المراهقة .
 
 

فى رايي ان ربنا خلق الانسان بيحس و الحب الى بيحسو ده علشان يبقى صح يتجوز مش يروح يتجوز علشان غريزة و خلاص و بعد كده هيحبها و يتعود عليها المفروض الانسان انسان علشان عندو احساس مش حيوان بيحافظ على انقراض النوع و ف نفس الوقت المفروض يتجوز علشان عايز انسانة معينة مش يتجوز واحدة مناسبة لمجرد الجواز و بعدها يحس بالحب بجد مع واحدة تانية او حتى ميحبش الى اتجوزها و تبدا المشاكل و بالنسبة لموافقة الاهل ف اه طبعا هيه حاجة مهمة جدا انما عفوا مش هيه كل حاجة الانسان الى يلغي شخصيتو و احساسو و يسيب مامتو تروح تنقيلو واحدة كويسة م السوق و خلاص يبقى بيرخص ادميتو و الى تقبل تتجوز بالطريقة دى ف رايي انها بتدى نفسها لواحد تعيش معاه مقابل المهر و توفير حياة معيشية ليها و خلاص (و اهو ضل راجل و لا ضل حيطة) و بعدين هوا مين الى بيتجوز احنا و لا اهلنا؟؟ اه رضاهم مهم جدا انما الاهم احنا و مشاعرنا و احساسنا و ادميتنا و حقنا ف الاختيار الى طبعا ربنا اداه للانسان ف حياتو كلها و مش باقول نروح نعرف و نعمل غلط و افلام و كدب لا طبعا رايي ان كل حاجة لازم تكون باحترام و ف حدود الدين و الصح و اهم حاجة نكون على طبيعتنا علشان هوه ده الى هيخلينا نقدر نستمر و كمان نعرف ان محدش بيتغير الا لما يكون هوه عايز يتغير من نفسو او اقتنع بحاجة لان الى بيحاول يتغير علشان حد بيحبو بيفشل و الطبع بيغلب التطبع و ف الاخر بيكره الى حبو علشان بيطالبو بحاجة مش فيه و بيحسسو انو مش كويس كفاية زى ما هوه
اسفة على الاطالة ..

 كل واحد منا لو نظريه وتفكير تختلف عن الاخر وانا احترم جميع الارائكم وانضرياتكم
وانا عن نفسي لا افضل الزواج التقليدي واشجع الزواج عن حب وخاصة الحب من اول نظرة ولا حب المصالح او الغرائز فقط وانما حب التضحية والحنان والعطاء والرومنسية

في الحالتين النهايه واحده وكله بيتساوى سواء عن حب او لا وتفضل العشره وتتمسح الرومنسيه بأستيكه 

مش دايما بيروح كل دا والرومانسيه بتتمسح باستيكه هيه ممكن تحصل بس دا بيكون غالبا فالجواز الى بيكون فيه الام بتختار العروسه وابنها يروح يتقدم على طول لان غالبا مش كل واحد فيهم بيلاقى الى كان عايزه فالطرف التانى وهنا بعد الخطوبه وطبعا كل واحد بيظهر نفسه بشكل مختلف وفى النهايه بتلاقى كل واحد رايه مختلف وعايز يكون هو الى كلمته ماشيه وكدا لاكن لو عن حب على الاقل بيكون باقى بعض من الرومانسيه الى كل واحد كان بيكنها للتانى  لاكن مبتنتهيش والزوجه الشاطره هيه الى تحافظ على الرومانسيه وتعود زوجها عليها والزوج الشاطر هو الى يحترم احساسها ويقدرها و يهتم بيها فالحاله دى  مش هتتمسح يا رنا باستيكه
 
 
شكرا يا عقيق على طرح موضوع زى دا فعلا كان محيرنى واستفدت من الاراء الى مطروحه  انا كنت لسه امبارح بسأل اخويا السؤال دا وطبعا اخويا قالى انا مبفضلش التقليدى لاكن بالنسبالك انتى لو حد حبك ييجى يتقدم على طول من غير لو ولا دوران وكدا وكنت محتاجه كلام كتير عن الموضوع دا شكرا يا جماعه على الافاده

shery  الموضوع مهم جدا وانا عاجبني رد
 انا عايز اعرف شي مهم هو لية الاهل دايما بيعملوا زي ماري منيب في الفيلم اكنهم بيشتروا عربية وبيشوفوا هي العربية هتعيش معاهم ولا هتتكسر ودايما ادام ابنهم هو الي منقي لازم يطلعوا الحاجات الي مش عاجباهم في الي اختارها واكنة هو اعمي ولازم هما الي ينقولة بنت الحلال ويقولوا الحب هييجي بعد الزواج مع ان كل الي بيتعمل من معارضة او موافقة او تطليع عيوب في البنت او اهلهة او اي شي كلة في الاخر ملوش اي لازمة لان كل واحد مكتوبلة هو هيتجوز مين يبقي نسيب الامور تمشي زي ما ربنا كاتب ورايد وادام الانسان رضي بحكم ربنا يبقي هيحب الانسانة او الانسان الي اخترهولة ربنا او كتبهولة وبعدين متهيقلي ان الفرق بين الزواج عن حب او التقليدي ان الاول الواحد بينقي لنفسة والتقليدي ان اهلة همة الي بيختارولة ولو اهلة احترموا راية او اختيارة واقتنعوا  باختيارة عن حب بحب منهم هيبقي جواز تقليدي   ويبقي ناجح