السلام عليكم ورحمة الله وبركاته
عايزة اكتب عن تجربة صاحبتي مع الشركة النصابة المدعوة Connect اللي مقرها السوق التجاري في مدينة الرحاب مقابل جراند ماركت ، ومديرها واحد نصاب اسمه محمد الحسيني واخوه وليد الحسيني هو المدير التنفيدي للشركة النصابه دي. و الشركة النصابة خدمات هاوس اللي تشتغل برعاية الشركة الام كونكت وتحت غطاءها وباسمها وفي مكتبها.
عايزة اكتب تجربتها السيئة معاهم و نصبهم عليها في 1500 جنيه وبحذر الناس من انها تتعامل معاهم و لازم الشركة دي تتقفل و يتمسك النصابين عشان ما يضحكوش و ينصبوا علي ضحية اخري! وحسبي الله ونعم الوكيل فيهم!
قصة صاحبتي اللي مش مصرية واللي اتصدمت في مصر للاسف بسبب الاشكال دي اللي تسيء لسمعة مصر و شعبها الطيب ، والقصة كالاتي:
صاحبتي ذي كانت عاوزة شغالة بعقد تجيها البيت، قامت لاقت بطاقة اعلان اتساب قدام البيوت باسم خدمات هاوس يقدم هالخدمات في الرحاب ، اتصلت بوحدة ( كمان فرد في العصابة ومشاركة في عملية النصب) اسمها كريمة و اخدت معاد انها تروح لمكتب شركة كوكنت في الرحاب في السوق التجاري وتشوف البنت و تعمل معاها انتر فيو و توقع العقد. صاحبتي راحت علي المكتب و شافت البنت و كريمة. بعدها نزل المدعو محمد الحسيني ( مدير العصابة) بصفته مدير كريمة و مدير المكتب و قام بملء البيانات في العقد وقدم شركة كوكنت علي انها الشركة الام للشركة الفرعية خدمات هاوس و ان خدمات هاوس تتبع كونكت وانهم جسد واحد. صاحبتي بعد كلام محمد الحسيني اللي كله كذب في كذب وقعت العقد و ادت الكوميشن اللي هوا 1500 جنيه. واتفقوا علي كل حاجة. بعدها بيوم تتصل المدعوة كريمة و تقول ان الشغالة مش حتشتغل لان محمد فسخ العقد معاها لان ما معاهاش بطاقة وان لها الخيار في انها تشوف بنت ثانية او تاخد فلوسها. صاحبتي قالت لهم انها عايزة فلوسها بما انهم فسخوا العقد من نفسهم و غلطتهم ان البنت ماكانش معاها بطاقة. قامت كريمة قالت ان الفلوس مع محمد ولازم تتصل فيه! قام محمد الحسيني يجي لبيت صحبتي مرتين ببنت ثانية ويقولها انا جبتلك شغالة بديلة ويقولها انسي كريمة دي عشان كريمة ما تفهمش و مايهمهاش سمعة المكتب وان تعاملها يبءة معاه هو، قامت صاحبتي قالتلوا لا انا عايزة فلوسي بعد كذا اشوف شغالة جديدة و لو عجبتني اخدها واوقع عقد جديد. قام النصابين ابتدوا يوروا وجوههم الحقيقة و قال لها لا فلوس مافيش ومش حرجعها. قامت اتصلت بكريمة و كريمة تعتذر وتقول انها مريضة و انها مش حتقدر تجي المكتب. اتصلت بمحمد الحسيني فماردش علي مكالمتها و رسائلها خاااالص!! صاحبتي خافت ان تم النصب عليها. اتصلت بكريمة فيدي الموبايل مقفل او غير متاح وقعدت تحاول لغاية مردت و قالت لها ان محمد الحسيني ده نصاب كبير و بياكل حق الناس و انه اخذ الفلوس كلها واكل حقها هي كمان ومداهاش عمولتها وانها ضحية كمان !
